1. 先將軚盤扭至正中。
2. 將電池負極拔出，之後用布墊住尾箱鎖，因為冇咗電萬一唔小心關咗尾箱就大件事。
3. 用螺絲批將軚盤後面三粒螺絲完全扭鬆，但係螺絲係唔會扭得出嚟，確定完全扭鬆就可以。
4. 喺軚盤後面4:00及8:00方位，會見到有一點係特別軟，如果之前重未拆過氣袋，要用幼身一字批插穿。唔洗擔心，穿咗層膠皮到時會合返埋，唔會有個孔，亦唔太覺眼。
5. 用一字批向軚盤圓心推，你會 feel 到有條彈弓，先拆一邊再拆另一邊。之後整個氣袋就可以囉出嚟。再 unplug 電線插，Unplug 邊組電線插都冇所謂，總之方便自已就可以。
6. 如果拆氣袋有困難，可以掉轉步驟。先拆個罩，小心拆時唔好太用力向外(向自己)扯出，因為裡面有電線連接住軚控掣。如果想知道扣位大慨喺邊個位，可以參考份新罩。
7. 拆咗個罩一半，會見到左右兩邊各有一粒螺絲鎖住軚控摯同個罩。將螺絲扭出軚控摯同罩就可以分離。拆咗個罩出嚟就可以更容易見到 airbag 點拆。
8. 拆咗 airbag 之後跟住後面嘅嘢就可以自己換。
